Espiral da historia
A
historia é unha espiral, sempre cara adiante desde o punto de vista
da punta do lapis, pero, desde o punto de vista do demiúrgo que a
debuxa, ás veces cara abaixo, ás veces cara arriba, ás veces cara
a dereita, ás veces cara a esquerda.
Cando
á punta do lapis da historia se lle ocorreu mirar quen a guiaba,
empezou a se decatar de que o demiúrgo aquel estaba alimentado por
caldos sociais máis ou menos quentes, máis ou menos evidentes, e
comezou a observar o trazo abandonado á súa beira anos ou séculos
antes. A punta do lapis empezou a sonhar con non se repetir nos
pesadelos.
E
aquí estamos hoxe, coa punta do lapis declarada en rebeldía, na
espiral cara o punto cardinal máis inhumano, co demiúrgo en
enchente de caldo podre. Ese caldo podre e cheirento que non
entendemos como dá tragado, ese demiúrgo que descomponhemos,
escagarrizado e fedorento, á morte de tanto noxo, equidistante ó
ben e ó mal, equilibrado só polas pulsións que o sentan cada noite
no escritorio a debuxar tremeroso a espiral triste do medo e o terror
que lle ditamos agora.
Cap comentari:
Publica un comentari a l'entrada